DAGSTUKKIES UIT DIE BYBEL:
SIEN DIE WOORD IN PRENTE

Ons oog is nie op die sigbare dinge gerig nie, maar op die onsigbare, want die sigbare dinge is tydelik, maar die onsigbare vir altyd (2 Korinthiërs 4:18).

Wanneer jy die Skrif bestudeer, leer om dit te doen met prentjies. Sien met jou geestesoog, glo en tree op in ooreenstemming. Dit is die seëninge wat jou gees vasvat wat sal manifesteer in jou lewe. Daarom, as jy luister na, of die Woord bestudeer, visualiseer jou oorwinning, voorspoed, gesondheid, vrede, vordering en sukses van binne en bevestig ooreenkomstig.

Voor die fisiese manifestasie van die heerlikheid en oorwinnings wat jy begeer in die lewe, moet jy dit eers van binne jou sien. Wanneer jy dit kan sien van binne, dan is dit joune. Jy kan dit nooit van buite hê, as jy dit nie eers van binne gehad het nie. Dit is waar sommige dit misgeloop het. Hulle wil dit eers fisies met hul oë sien, voor hul dit werklik noem. Dit is nie geloof nie. Geloof is om werklik te noem wat die menslike sintuie nie kan waarneem nie.

Byvoorbeeld, God het vir Abraham gesê: “Jy sal nie meer Abram genoem word nie, maar jy sal as Abraham bekend staan, want jy sal die vader wees van baie nasies…” (Genesis 17:5-6). Abraham moes eers homself visualiseer as die vader van baie nasies. Die tyd toe God met hom gepraat het was hy negeen-neëntig jaar oud en Sara, sy vrou, was ewe oud en onvrugbaar.

Nietemin, sê die Bybel: “Hy het nie getwyfel aan God se belofte nie; sy geloof het sterker geword en so het hy die eer aan God gegee” (Romeine 4:20). In Genesis 15:5, het die Here aan hom gesê, “…Kyk op na die naghemel en tel die sterre, Kan jy hulle tel? Net so baie sal jou nageslag wees!” Abraham het geglo. Hy het die prentjie gesien van sy ontelbare afstammelinge—ontelbaar soos die sterre—van binne. Wat is dit wat jy begeer in jou lewe vandag? Is dit ‘n kind? Sien dit eers van binne. Is dit die groei en uitbreiding van jou kerk, ‘n nuwe werk of besigheid? Skep die prentjie en neem dit in besit in die gees en met jou gees, eerste, want dit is alreeds ‘n werklikheid in die geestes-realm. Halleluja!

GEBED

Liewe Vader, dankie vir die geskenk om die wonderlike seëninge wat U vir my voorberei het te vat en te geniet in Christus. Ek visualiseer my oorwinning, voorspoed, gesondheid, vrede, vordering en sukses in u Woord deur die krag van die Heilige Gees en neem hierdie realiteite in besit deur my geloofsverklarings. Die meetsnoere het vir my op lieflike plekke geval en ek het inderdaad ‘n mooi erfenis. Halleluja!

VERDERE STUDIE:

Prediker 3:11; Genesis 13:14-15; Genesis 15:5-6

Markus 6:30-56 & Levitikus 25

Matthéüs 17:14-21 & Exodus 5