DAGSTUKKIES UIT DIE BYBEL:
SONDE-VRY GEBORE

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Verlos van die sonde het julle nou slawe geword van dit wat reg is voor God” (Romeine 6:18).

Paulus het dit moeilik gevind om die waarheid in die vers hierbo te kommunikeer, as gevolg van die beperking van die taal. Hy het gesê: “Ek praat op hierdie manier van slawe en base omdat dit makliker is om te verstaan” (Romeine 6:19). Hy moes die bespreking na ’n alledaagse vlak bring wat hulle kon verstaan.

Die werklikheid is dat die nuwe skepping nie van die sonde “vrygemaak” is nie; hy is eerder sonde-vry gebore; daar is ’n verskil tussen die twee. Sonde-vry gebore beteken dat jy sonder sonde gebore is. Dit is maklik om te verstaan as jy besef dat die nuwe skepping die resultaat is van die opstanding (nie die dood nie) van Jesus Christus. Jou nuwe lewe het begin met die opstanding van Jesus Christus: “Deur die doop is ons saam met Hom begrawe as mense wat deel in sy dood. En nou kan ons, net soos Christus wat deur ’n heerlike magsdaad van die Vader opgewek is, ook ’n totaal nuwe lewe leef” (Romeine 6:4).

2 Korintiërs 5:17 sê: “Daarom – iemand wat aan Christus verbind is, is ’n nuwe skepping…” ’n Nuwe soort of tipe mens wat gebore is in geregtigheid sonder ’n verlede om van vrygemaak te word. In die Christendom word ons nie vrygemaak nie; ons is vry gebore! Dit is die werklikheid vir die een wat wedergebore is. Jy is sonde-vry. Geen wonder Romeine 6:14 sê: “Die sonde mag hoegenaamd nie oor julle heerskappy voer nie…”

Die konsep van sonde kan nie goed verstaan word voordat jy ’n goeie begrip van die leer van geregtigheid het nie. Waar die Bybel dus sê: “Want toe julle diensknegte was van die sonde, was julle vry van die geregtigheid” (Romeine 6:20) beteken die uitdrukking “vry van die geregtigheid’ eintlik geregtigheid-vry of “vrygestel van geregtigheid.” Met ander woorde, jy was ’n slaaf van die sonde en kon nie geregtigheid beoefen nie.

Noudat jy wedergebore is, is dit egter die teenoorgestelde; jy kan geregtigheid beoefen en vrugte en werke van geregtigheid voortbring omdat dit jou natuur in Christus Jesus is. Halleluja!

BELYDENIS

Ek is ’n nuwe skepping, ’n nuwe tipe mens, ou dinge het verbygegaan en alles het nuut geword. Ek wandel in geregtigheid en produseer werke en vrugte van geregtigheid. Eer aan God!

VERDERE STUDIE:

2 Korinthiërs 5:17; Romeine 6:4-7