DAGSTUKKIES UIT DIE BYBEL:
VERTEL DIT REGOOR DIE WÊRELD

Toe het Hy hulle beveel:  Gaan die hele wêreld in en verkondig die Goeie Nuus aan almal, oral. Elkeen wat glo en gedoop word, sal verlos word. Maar elkeen wat nie glo nie, sal veroordeel word (Markus 16:15-16).

Terwyl ons Jesus Christus se geboorte vier, is dit belangrik om te besef dat sy glorieryke wederkoms op hande is; baie nader as wat baie mense besef. Daarom moet ons ons pogings versterk om verlorenes te bereik, om dié in ons wêreld en in die streke daarbuite wat nie weet nie te vertel dat Hy die weg, die waarheid en die lewe is. Slegs deur Hom kan mense gered word en in God se klas van bestaan en vlak van die lewe gebring word.

Tot en met ’n mens se wedergeboorte sal sy lewe die uitdrukking wees van alles wat met hom gebeur het, vanaf sy herkoms: waar hy gebore is, sy nasionaliteit, ligging, opvoeding, regering, ensovoorts. Al hierdie faktore sal vorm wat van sy lewe word. Dit beteken dat hy beperk sal wees tot sy omgewing en aardse herkoms; hoe jammer.

Maar as jy wedergebore is, is die ou dinge verby (2 Korintiërs 5:17). Skielik word jy in ’n lewe gebring wat die aardse vlak te bowe gaan, waar jy nie deur enige faktor of die elemente van hierdie wêreld beperk word nie. Jy leef nou in ’n nuwe omgewing volgens ’n nuwe lewensbeginsel, dit is God se Woord. Jy is nou deel van die goddelike natuur, nie meer onderworpe aan die sonde, siektes, kwale en die dood nie, omdat jy die God-lewe ontvang het.

Wat ’n boodskap om aan die wêreld te verkondig: dat Jesus gekom, geleef, gesterf en opgestaan het, sodat ons sy lewe kan hê en ook die verspreiders van daardie lewe kan wees. Vertel vir die wat nie weet nie; bereik die onbereiktes; vertel die nasies, die verre eilande, dat Hy leef en die lewe wat Hy gebring het is beskikbaar vir almal wat glo: “…en dié lewe is in sy Seun. Hy wat die Seun het, het die lewe…” (1 Johannes 5:11-12 – 1953 Vertaling).

Terwyl jy hierdie seisoen vier, moet jou gees versterk en ontroer word om die wêreld te vertel dat die Here God is en Hy het die lewe en onsterflikheid aan die lig gebring, deur die evangelie. Elkeen wat wedergebore is, ontvang dieselfde lewe wat Hy het. Dit is die boodskap wat Hy ons beveel het om te verkondig en na die wêreld te versprei.

GEBED

Liewe Heer, ek bid vandag vir sondaars regoor die wêreld, dat hulle kan weet en aanvaar dat Jesus reeds die straf vir hul sondes gedra het en daarom die ewige lewe ontvang. Ek bid ook vir almal wat vandag siek is, of aangetas is in hul liggame, dat u genesingskrag wat in Christus beskikbaar is, hulle van hul siektes en swakhede sal verlos sodat hulle hierdie seisoen in gesondheid, vrede en voorspoed kan vier, in Jesus se Naam. Amen.

VERDERE STUDIE:

Markus 16:15-16; Romeine 10:14