DAGSTUKKIES UIT DIE BYBEL:
WEES ALTYD BEDAG OP EN SENSITIEF VIR DIE GEES

Wees versigtig! Pas op vir die duiwel se aanvalle. Hy is julle groot vyand. Hy loop rond soos ’n brullende leeu, op soek na iemand om te verslind (1 Petrus 5:8).

Op ’n dag, terwyl Jesus in een van die sinagoges geleer het, het Hy ’n vrou opgemerk wat vooroor gebuk was; sy kon nie regop staan nie. Sy was vir agtien jaar in daardie toestand. Toe sê Jesus vir haar: “…Vrou, jy is van jou kwaal genees!” Toe het Hy haar aangeraak en sy kon dadelik regop staan. Hoe het sy God nie geloof en gedank nie!” (Lukas 13:12-13).

Alhoewel die godsdienstige leiers teenwoordig verontwaardig was dat Jesus die vrou op ’n Sabbatdag genees het, het die Meester se reaksie iets opvallend openbaar. Hy het gesê: “Was dit nie vir My nodig, selfs op die Sabbatdag, om hierdie arme vrou te bevry van die gevangenskap waarin Satan haar vir agtien jaar gehou het nie?” (Lukas 13:16).

Die meester het duidelik gesê dat dit die Satan was wat die vrou in daardie toestand gehou het deur “’n gees van krankheid.” En sodra Hy die gees uitgesorteer het, het die vrou regop gestaan; sy is gesond gemaak deur die krag van God.

Jesus het die geesteswêreld verstaan. Hy het geweet dat die lewe geestelik is en dat demoniese geeste werklik is en verantwoordelik is vir baie siektes waaraan mense ly. En deur die Skrif en die insig wat Hy ons deur die Heilige Gees gee, verstaan ons hoe om die Satan en sy werke te identifiseer.

As jy nie die Skrif ken nie, kan jy ’n slagoffer van die Satan se planne wees. Bestudeer en oordink gereeld die Woord; bid elke dag in tale, word gevul met die Gees en jou geestelike waaksaamheid en sensitiwiteit sal altyd op ’n hoogtepunt wees. Daar is geestelike dimensies aan die lewe. Jy moet weet wat God inisieer en wat die Duiwel aantrek. Die Bybel sê: “…Sy planne is mos nie aan ons onbekend nie!” (2 Korintiërs 2:11).

BELYDENIS

Deur die gesag wat aan my in Christus gegee is, hou ek die Satan en sy magte waar hulle hoort; onder my voete! Ek leef in God se heerlikheid, wandel in goddelike gesondheid, vrede, veiligheid, oorvloed en vreugde. Ek wandel vandag in die volheid van die seëninge van die evangelie. Halleluja!

VERDERE STUDIE:

Jakobus 4:7; 1 Petrus 5:8-9; 1 Johannes 4:4