DAGSTUKKIES UIT DIE BYBEL:
WEES BESORG OOR ANDER SE PYN

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Help ander gelowiges wat swaarkry, en gee só uitvoering aan Christus se liefdeswet”

(Galasiërs 6:2).

Jare gelede, as tiener, het ek in gebed na die Here uitgeroep oor die baie mense in die wêreld Hom nie geken het nie; oor die mensdom wat ly, sondaars, siekes en behoeftiges. Ek het die las daarvan ervaar en gedink dat die verantwoordelikheid om iets aan die pyn van gebroke mense regoor die wêreld te doen, op my rus. Ek sou snags in trane wakker word oor die behoeftiges, armes en ellendiges.

Dit het my gemotiveer om van huis tot huis, na hospitale, skole en dorpe te gaan om die evangelie te verkondig en ek doen dit tot vandag toe. Moenie jou hart verhard vir die nood en lyding van die mensdom nie. Te veel mense deurstaan so baie. Die lyding behels nie net die man wat sy werk verloor het nie; wat van sy kinders wat as gevolg daarvan heel waarskynlik nie verder kan leer nie? Dink aan klein kindertjies wat dalk albei ouers verloor het; hoe vreeslik moet die lewe nie vir hulle wees nie. Hul toekoms het somber geword.

Baie gesinne ervaar moeilike tye as gevolg van ’n geliefde wat siek is, of gesterf het; al hierdie dinge moet jou aandag trek en jou aanspoor om te bid en die evangelie met meer passie te verkondig. As ons meer mense kan red, sal daar minder pyn wees. Moenie te besorg wees oor jou eie situasie, sodanig dat jy vergeet wat ander deurmaak nie. Jou seëning lê daarin om ander te seën. Jy word opgehef as jy ander ophef. So, vind uit wat al die beskikbare en innoverende wyses is om uit te reik na diegene wat ly en pyn verduur. Moenie hul hulpkrete ignoreer nie.

GEBED

Liewe Vader, dankie vir die wonderlike werke van verlossing; dankie vir die heerlike evangelie van Christus, waardeur die lewe en onsterflikheid onthul word. Ek is daartoe verbind om die evangelie regoor die wêreld te versprei sodat baie uit sonde, armoede en ellende gebring kan word tot die glorieryke lewe in Christus. U Woord groei en heers in alle lande van die wêreld, dit verlos mans en vroue en bring hul na hul erfdeel in Christus, in Jesus se Naam. Amen.

VERDERE STUDIE:

Galásiërs 6:10 AMPC; 1 Johannes 3:17 GNB; Romeine 15:1