DAGSTUKKIES UIT DIE BYBEL:
WEES BEWUS VAN JOU LEWE IN CHRISTUS

Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld (1 Johannes 4:17).

Waar jy in die vers hierbo lees: “… soos Hy is, is ons ook in hierdie wêreld…”, verwys dit nie na Jesus voor sy dood nie, maar na die opgestane Jesus met die ewige lewe! Ons het nou dieselfde lewe as Hy. Die Bybel sê: “Hy wat die Seun het, het die lewe …” (1 Johannes 5:12). Indien jy Jesus het, het jy die ewige lewe – die God-lewe! Dit is nie die biologiese lewe waarmee jy uit jou ouers gebore is nie. Dit is hoekom Jesus sê: “…as iemand nie weer gebore word nie, kan hy die koninkryk van God nie sien nie” (Johannes 3:3). Toe Hy gesê het dat jou biologiese lewe nie die Koninkryk van God kan sien nie, het Hy nie net gepraat van Hemel toe gaan nie; Hy het van die realiteit van die Koninkryk van God gepraat; God se heerskappy in die wêreld; die lewe en natuur van God wat in hierdie wêreld ervaar word.

Wanneer jy wedergebore raak, ervaar jy die koninkryk van God in hierdie lewe; dit word jou daaglikse ervaring; jou daaglikse wandel. Dit is Christenskap. Christus werklik lewend in jou; jy kan nie van Hom geskei word nie. 1 Korintiërs 6:17 sê: “Maar wie die Here aanhang, is een gees met Hom.”

Omdat jy so vermeng is met die Here, in een gees, hoe kan jy gepla word deur virusse, bakterieë, kieme of enigiets wat hierdie wêreld verteer? Dit is hoekom Johannes wil hê jy moet weet wat jy het. Hy sê: “Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het…” (1 Johannes 5:13).

Wanneer jy verstaan wie jy in Christus is, sal jy verstaan dat dit onmoontlik is vir jou om siek te wees. Wanneer jy jou lewe in Christus erken en daarvan bewus word, het jy niks te vrees in hierdie wêreld nie, want jy is onvernietigbaar. Wat ’n lewe het Hy ons gegee! Halleluja!

BELYDENIS

Ek het die wonderlike, onverganklike en wonderbare lewe van God in my. Ek is ’n vennoot van die Godtipe! Die wese van goddelikheid is aan die werk in my en die goddelike lewe wel op in my wese en weer siektes, kwale, swakheid, die dood, armoede en alles wat teenstrydig is met die voorsiening van die evangelie van Christus, af. Ek is onoorwinbaar, onvernietigbaar en ondeurdringbaar. Halleluja!

VERDERE STUDIE:

1 Johannes 5:11-13; 1 Korinthiërs 15:47-49 AMPC