DAGSTUKKIES UIT DIE BYBEL:
WEES NIE BEKOMMERD OOR DIE TOEKOMS NIE

Ek weet wat Ek vir julle beplan het,” sê die Here. “Ek beplan voorspoed vir julle, nie teëspoed nie. Ek wil hê dat julle hoop vir die toekoms moet hê (Jeremia 29:11).

Die Here Jesus het ’n paar van die pynlike tekens gespesifiseer wat die eindtyd sal aandui. Hy het gesê: “Daar sal wondertekens wees wat die son, maan en sterre betref. En op die aarde sal daar onrus onder die nasies wees uit angs vir die gebulder van die see en sy golwe…” (Lukas 21:25).

Baie daarvan het alreeds gebeur en menige mense het moedeloos geraak; lewenstandaarde, besighede en ekonomieë het verswak. Baie mense is nie meer seker oor hul toekoms nie. Maar as Christen moet jy nie ontsteld raak oor die toekoms nie; leef in vrede. Die regering of die samelewing kan jou ’n groot toekoms beloof; moenie op hul beloftes hoop nie.

God se plan is die beste; jou rol is om daardie plan te ontdek en in die lig daarvan te wandel. Die New International Version van ons temavers sê: “For I know the plans I have for you,” declares the Lord, “plans to prosper you and not to harm you, plans to give you hope and a future.” Moet nooit toelaat dat die probleme in die wêreld jou depressief maak nie. Jesus het geweet dat jy krisisse in hierdie wêreld sou teëkom, daarom het Hy gesê: “Ek sê hierdie dinge vir julle sodat julle in My rus en vrede kan vind. In die wêreld sal julle swaarkry beleef, maar skep moed: Ek het die wêreld reeds oorwin” (Johannes 16:33).

Hou moed, ongeag wat rondom jou of met jou gebeur. Wees sterk. Wees moedig. Moenie ingee nie. Miskien is dit jou besigheid, werk, familie, wat dit ook al is; die moeilikheid is net vir ’n kort tydjie. Die apostel Paulus noem dit ‘ligte verdrukking’. Hy het gesê: “Ons swaarkry op die oomblik is gering en tydelik, maar dit bewerk vir ons ’n heerlikheid wat alles verreweg oortref en vir altyd vas sal staan” (2 Korintiërs 4:17). Solank jy in Christus is, is jy veilig; jou toekoms is verseker. Halleluja!

BELYDENIS

Ek is God se handewerk, nuutgeskep in Christus Jesus, om die lot te vervul en Hom met my lewe te verheerlik. Ek wandel op voorafbepaalde paaie; neem die koers wat ek moet volg en lei die goeie lewe wat Hy voorafbepaal en vir my gereed gemaak het om te lewe, in Jesus se Naam. Amen.

VERDERE STUDIE:

2 Korinthiërs 4:16-18; Johannes 14:27