DAGSTUKKIES UIT DIE BYBEL:
WEES VANDAG BLY

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Wees altyd vol blydskap” (1 Tessalonisense 5:16 NLV).

Gister is verby en môre moet nog kom, maar vandag is vir jou gebruik. Maak daarom die beste van vandag en wees bly. Moenie in berou oor gister leef, of skrikkerig wees oor môre se onsekerhede nie. Gister se berou en vrees vir môre is vyande van vandag se geluk. God wil hê dat jy VANDAG moet bly wees!

Ons temavers sê: “Wees altyd vol blydskap.” Dit kan nie op gister toegepas word of uitgestel word na môre nie, dit is vir NOU. Of mense jou goed of sleg behandel, wees inelkgeval vol blydskap.

Dit maak nie saak dat die mense wie jy gedink het jou kan help hul rûe op jou gedraai het nie, bly vol blydskap. God het mos nooit vir jou gesê om op mense te vertrou nie (Psalm 118:8-9). Of daar geld in jou bankrekening is of nie, wees bly. As jy toelaat dat omstandighede, gebeure, of ander mense se dade jou blydskap bepaal, tree jy nie volgens die Woord op nie. Onthou, die seëning is vir die wat God se Woord toepas of daarvolgens optree (Jakobus 1:22-25). Die Woord sê wees altyd vol blydskap (1 Tessalonisense 5:16); so, beoefen dit.

Wees vasbeslote dat niks ooit jou vreugde sal steel nie. Dit is ’n besluit wat jy moet neem. Dit verg samewerking tussen jou en die Heilige Gees. Hy sê jou wat om te doen, maar jy moet besluit om dit te doen. As jy sê: “Ek gaan altyd bly wees soos die Woord van God sê, ongeag omstandighede,” sal Hy jou help daarmee.

Ja, daar is uitdagings in Christenskap. Maar die Here sê in Jakobus 1:2: “My broers en susters, wanneer julle in allerhande beproewings beland, moet julle eintlik baie bly wees”; met ander woorde, “wees bly!” Die uitdagings wat jy in die gesig staar is nie belangrik nie, maar jou reaksie daarop is wel. Jy is ’n gebore wenner, ’n oorwinnaar, niks in hierdie lewe is teen jou ingestel om jou seer te maak of van jou ’n slagoffer te maak nie. Die Bybel sê: “Tog is ons ten spyte van al hierdie dinge besig om ’n klinkende oorwinning te behaal” (Romeine 8:37). Halleluja!

BELYDENIS

My lewe is ’n bondel vreugde en geluk, want die vreugde van die Here is my sterkte! Ongeag omstandighede bly ek opgewek en vrolik vol lofprysing, want ek weet dat ek voorspoed, vrede, sukses, gesondheid en ander seëninge van diep binne my trek. Eer aan God!

VERDERE STUDIE:

Filippense 4:4; Jesaja 12:3; Romeine 14:17