DAGSTUKKIES UIT DIE BYBEL:
WYSHEID EN LEIDING VANUIT DIE WOORD

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Ek weet alles wat God doen, is vir ewig” (Prediker 3:14).

Die Woord van God kan op alles in die lewe toegepas word. Die wysheid daarin is allesomvattend. 2 Timoteus 3:15 sê dat die Skrif jou wys kan maak; wys tot verlossing, waardeur die heerlikheid van God in jou geopenbaar word. Hoe meer jy die Skrif bestudeer, hoe meer verfyn en akkuraat sal jou idees wees: idees vir kreatiwiteit, innovering, perfeksie, strategie, gesondheid en welvaart.

Dit is iets wat baie Jode in Israel verstaan en benut; hulle kry hul idees vir kuns, wetenskap, tegnologie en selfs hulle weermag uit die Heilige Skrif. Hulle verstaan dat God-geïnspireerde idees onfeilbaar is. Vandaar hul ongelooflike oorwinnings en voorspoed.

Jou God-geïnspireerde idees sal elke hindernis en stelsel van hierdie wêreld oorleef en verslaan. As daar byvoorbeeld ’n ekonomiese ineenstorting is, sal jy aanhou vordering maak omdat jy van ’n hoër vlak funksioneer; jou idees en strategieë spruit uit die wysheid van die Gees deur die Woord. Geseënd is God!

Dink daaraan: wie sou kon dink dat Dawid vir Goliat, die reus van Gad, die kampioen van die Filistyne, met ’n klip en ’n slingervel sou kon neertrek? Hoe kan iemand verklaar hoe Isak gegrawe en water gevind het op dieselfde droë plek wat al die ander verlaat het? Hy het opgetree volgens die goddelike insig wat hy by die Here gekry het.

Hy was op die punt om te trek as gevolg van die droogte, maar God het gesê: “Bly in hierdie land en Ek sal met jou wees en jy sal voorspoedig wees;” dieselfde land waar daar hongersnood was. Hy het bloot gedoen wat God hom gevra het om te doen en die Bybel sê dat hy: “…baie ryk geword en sy rykdom het aanhou vermeerder” (Genesis 26:13). Moenie die wêreld se beginsels en idees vir sukses navolg nie. Maak jou hart oop vir die Heilige Gees en sy Woord vir wysheid en die regte idees wat jy benodig vir ’n lewe van toenemende heerlikheid, sukses en voorspoed.

BELYDENIS

Ek het toegang tot elke brokkie inligting wat ek benodig vir my volgende vlak van sukses. Ek het buitengewone omvang van begrip; ek is vol van die wysheid van die Gees, deur die Woord, waardeur groot dinge in my lewe en in ander se lewens gebeur. Ek sien die onsigbare en doen die onmoontlike, want my gedagtes is gesalf vir buitengewone idees van sukses. Eer aan God!

VERDERE STUDIE:

Spreuke 2:6 AMPC; Efésiërs 1:17-18; Psalm 119:105