JY IS VERANTWOORDELIK VIR JOU LEWE
YOU’RE RESPONSIBLE FOR YOUR LIFE

Goeie Nuus vandag met Pastoor Chris uit die Rhapsody of Realities.

Wat is geloof dan? Dit is ’n vaste versekering dat die dinge waarna ons uitsien, inderdaad sal gebeur. Dit is die bewys dat God die dinge wat ons nog nie kan sien nie, waar sal maak. Juis op grond van hierdie geloof word daar so positief oor die mense van vroeër getuig. Omdat ons glo, verstaan ons dat God, deur net ’n woord te spreek, die ganse heelal geskep het. Dit wat ons nou kan sien, het dus nie uit sigbare dinge ontstaan nie (Hebreërs 11:1-3).

Ons temavers is baie leersaam, dit openbaar n’ belangrike geloofsbeginsel waardeur jy jou lewe uitmuntend kan maak, kan groei van heerlikheid tot heerlikheid. Dit sê dat die dinge wat sigbaar is met die blote oog, nie uit sigbare dinge gemaak is nie; hulle het ontstaan uit dinge wat nie met die sintuie waargeneem kan word nie. Die konteks wys dat hierdie dinge uit woorde ontstaan het, want dit sê: “Omdat ons glo, verstaan ons dat God, deur net ’n woord te spreek, die ganse heelal geskep het.”

In Genesis 1 lees ons dat God woorde gespreek het en orde, skoonheid en vorm gebring het aan ’n wêreld wat vormloos, chaoties en in duisternis gehul was. Hy het die wêreld gevorm. So word jou lewe en jou toekoms ook gevorm, maar hierdie keer deur jou. Wat jy in die volgende paar maande en jare gaan wees is reeds beplan en uitgelê deur niemand anders as jy nie! En as jy tans nie daarvan hou nie (hoe jou lewe uitgedraai het nie), kan jy dit eenvoudig verander.

Sommige mense sal hiermee stry, maar God se Woord sê vir ons dat dit wel so is. Jy het die lewe wat jy tans lei deur jou woorde geskep. Jy is vandag presies hoe jy jouself jare gelede beskryf het. Jy is verantwoordelik vir die gehalte lewe wat jy vandag het. Natuurlik is daar vele ander faktore wat ’n invloed het: sosiologie, omgewing, familie ensovoorts, maar dit het net die grondslag gelê; hulle het jou die materiaal gegee waarmee jy jou lewe kan bou. Wat ook al jy op die ou end op daardie sub-struktuur gebou het, hang van jou af.

As jy ’n wonderlike lewe het waaroor jy baie bly is, het jy dit gebou. As jy soos ’n slagoffer lewe is dit ook ’n resultaat van jou tong. God is nie verantwoordelik vir die lewe wat jy lei nie. Hy gee jou ’n visie; Hy wys vir jou ’n beeld van die lewe wat Hy wil hê jy moet hê. Hy mag selfs spesifiek wees en vir jou sê presies wat Hy wil hê jou lewe moet wees. Maar, Hy gaan dit nie vir jou bou nie. Hy gaan net die nodige boumateriaal en gereedskap in jou hande sit.

Daar is ook materiaal wat jy self moet verkry en Hy sal vir jou sê waar dit is en hoe om dit te kry. Die verantwoordelikheid is joune om dit op te spoor, besitting te neem daarvan en dit te gebruik om jou oorwinnende lewe te bou.

BELYDENIS

Ek neem beheer van my lewe en maak dit soos wat ek dit wil hê, in akkoord met God se wil vir my. Ek gee vorm, skoonheid en orde aan my wêreld deur die energie van my woorde. Ek leef in geregtigheid, oorwinning, gesondheid, sukses en voorspoed in Jesus se Naam. Amen.

VERDERE STUDIE:

Handelinge 20:32; Markus 11:23; 2 Petrus 1:3