DIE REDE TOT JOU BESTAAN
YOUR REASON FOR BEING

Goeie Nuus vandag met Pastoor Chris uit die Rhapsody of Realities.

Glo in My omdat Ek in ’n hegte verhouding leef met die Vader en Hy met My; so nie, glo dan net op grond van hierdie werke self (Johannes 14:11).

Een van die dinge wat ek glo God my gehelp het om vroeg in my lewe uit te vind, was die rede tot my bestaan. Ek het gereeld gewonder: “Waarom leef mense enigsins as hulle uiteindelik gaan sterf?” Dit het ’n vraag geword waarop ek ’n antwoord nodig gehad het. Toe ek oor Jesus geleer het, wou ek weet: “Waarom het Jesus gekom?” Soos die jare verbygegaan het het ek, deur die Gees van God, die antwoord op die lewe gekry. Ek het uitgevind waarom ons leef en die lewe het vir my verander.

Dink daaraan: wat is daar op aarde wat jy as blywend, ewig lonend, kan beskou? Wil jy hê dat die hele wêreld joune moet wees? Daar is mense wat voor jou gekom het aan wie die hele wêreld gegee is. Dink aan die farao’s, die keisers, hulle het die wêreld regeer, hulle het alles gehad. Hulle is in werklikheid as gode beskou. Maar raai wat? Toe hulle tyd aanbreek is hulle oorlede en het alles geëindig. Wat wil jy dus in die lewe hê? Die applous van mense? Roem? Selfvoldaanheid?

Baie mense het dit in oorvloed gehad, maar dit het niks verander nie.Voordat jy nie jou lewensdoel ontdek het nie, het jy nog nie geleef nie. Die idee is gemeenskap met God.Gemeenskap met God is nie net om vriende met Hom te wees nie; dit is nie net om naby Hom te wees nie; dit is eenheid met Hom; verenig in doel en in strewe. Dit is die hoogtepunt – om in gemeenskap met die Here te wees en na Hom te verwys as iemand wat jy ken en wie jou ken. Dit is die rede vir die lewe. Om te weet dat God jou liefhet en dat jy Hom liefhet en met Hom wandel; om te verstaan wat dit is om in God te wees en God in jou. Dit was Jesus se gebed tot die Vader aangaande ons: “…dat hulle een kan wees, net soos ons een is” (Johannes 17:22).

Die grootste besef waartoe ’n mens ooit kan kom, is om Hom te ontdek, jouself in Hom te ontdek en Hom in jou te ontdek. Dan kan jy, soos Jesus, sê: “Ek is in die Vader en die Vader in my” (Johannes 14:11); ’n glorieryke verhouding waarin jou persepsie van en alles aangaande jou lewe verander. Met hierdie begrip ontdek jy jou plek in sy liggaam — die liggaam van Christus en gaan jy daardie rol vervul.

GEBED

Liewe Vader, dankie dat U my tot gemeenskap met u Seun, Jesus Christus, geroep het. Nou kan ek met vrymoedigheid verklaar dat ek in U is en dat U in my is. Wat ’n eer! My passie en begeerte is om U met my lewe te behaag, terwyl ek alles doen wat U vir my bestem het, wetende dat ek in U die lewe in vervulling het, in Jesus se Naam. Amen.

VERDERE STUDIE:

2 Korinthiërs 5:14-15; Markus 8:36-38