WEES BEWUS VAN DIE KRAG IN JOU
BE CONSCIOUS OF THE POWER IN YOU

Goeie Nuus vandag met Pastoor Chris uit die Rhapsody of Realities.

Maar wanneer die Heilige Gees oor julle kom, sal julle krag ontvang en oral mense eerstehands van My vertel – in Jerusalem, oor die hele Judea, in Samaria, en tot in die uithoeke van die aarde (Handelinge 1:8).

2 Korintiërs 4: 7 sê: “Maar ons het hierdie skat in erdevate, sodat die voortreflikheid van die krag uit God kan wees en nie uit ons nie.”Daar is krag in jou. Efesiërs 3:20 sê: “…Hy wat mag het om deur die krag wat in ons werk, oneindig meer te doen as wat ons vra of kan droom of dink.” Al die krag van goddelikheid werk in jou; dit is nie in die hemel nie, maar in jou herskape menslike gees. Daar is geen perke aan wat jy kan doen, hoe ver jy kan gaan nie – die omvang van jou sukses en welvaart is onbeperk as jy die krag in jou sal erken en aanwend om te werk.

Wat baie mense beïnvloed is hul onkunde oor wie hulle is en wat hulle binne-in hulle dra. Die bewustheid van die krag van God in jou lewe is die aktiverende krag. As jy nie bewus is van wie jy is en wat in jou is nie, sal dit nie werk nie. Die Here Jesus het die aarde bewandel, bewus van sy goddelike oorsprong en persoonlikheid. Jesus het in Matteus 28:18 gesê: “God het die volle mag oor hemel en aarde aan My toevertrou.” Hy het dit geweet en bevestig.

Toe Hy by die sinagoge ingegaan het het Hy gesê: “Die Gees van die Here is op My omdat Hy My aangestel het om die Goeie Nuus vir die armes aan te kondig. Hy het My gestuur om aan te kondig dat gevangenes vrygelaat sal word, dat blindes sal sien, dat onderdruktes bevry sal word van hulle verdrukkers” (Lukas 4:18). Wat ’n ingesteldheid! Toe Hy daardie verklaring gemaak het, kon die duiwels dit nie verdra nie; toe spreek Hy woorde uit wat genesing en herstel bring vir siekes en ellendiges. Eer aan God!

1 Johannes 4:17 sê soos Hy is, is ons ook in hierdie wêreld. Die krag van die Gees is in jou gevestig, omdat jy een is met Hom; jy is ’n lidmaat van sy liggaam, van sy vlees en van sy gebeente. Jy is die verteenwoordiger van sy Koninkryk. Die Heilige Gees het in jou kom woon, sodat die koninkryk, mag, heerlikheid, geregtigheid en heerskappy van Christus in en deur jou geopenbaar sal word. Word bewus van hierdie werklikheid. Halleluja!

BELYDENIS

Ek is ’n verpersoonliking van goddelikheid, ’n ambassadeur van Christus, gevul met die maksimum lading van God! Ek weier om mislukking, nederlaag of onmoontlikhede te bedink, want ek is bewus van die krag van God in my. Deur bepeinsing van die Woord en gebed in tale, oefen ek daardie krag in alles en op elke terrein van my lewe uit, in Jesus se Naam. Amen.

VERDERE STUDIE:

Efésiërs 3:20-21; 2 Korinthiërs 4:7